Óljóst er hvor þeirra mun verja mark Chelsea í næsta leik, sem er á heimavelli gegn Manchester United á mánudagskvöldið.

„Ég býst ekki við að sjá bros þegar leikmaður missir sæti sitt í byrjunarliðinu. Ég býst við að sjá sterk viðbrögð og stuðning frá liðsfélögunum," sagði Lampard.

„Þetta er ekki auðvelt. Ég segi það sem knattspyrnustjóri og þekki sem leikmaður. Svona ákvarðanir geta gert leikmenn sterkari."

Eftir leikinn gegn Man Utd á Chelsea leiki við Tottenham og Bayern München.