Winks var lánaður til Sampdoria síðasta sumar þar sem hann var ekki inn í myndinni hjá Antonio Conte, stjóra Spurs.

Winks hefur verið frá vegna meiðsla á leiktíðinni en honum hefur tekist að spila níu leiki í ítölsku úrvalsdeildinni í heildina.

„Það hefur enginn frá Tottenham haft samband við mig, ekki einu sinni þjálfarinn," sagði Winks við La Gazzetta dello Sport.

Þetta hljómar ekki vel, en dyrnar eru þó kannski ekki alveg lokaðar þar sem framtíð Conte er í óvissu og talið ólíklegt að hann verði stjóri liðsins á næstu leiktíð. Winks segist einbeittur á Sampdoria og að hjálpa liðinu að halda sér uppi í deild þeirra bestu á Ítalíu.