Díana lék með ÍBV í Pepsi-deildinni á árum áður. Hún er hér lengst til hægri á myndinni.
Díana Dögg Magnúsdóttir hefur fengið félagaskipti yfir til KR sem leikur í Pepsi Max-deild kvenna.
Díana er landsliðskona í handbolta og varð á dögunum Íslandsmeisari með Val.
Hún spilaði síðast fótbolta 2016 en þá lék hún 10 leiki með ÍBV í Pepsi-deild kvenna. Upp á síðkastið hefur hún einbeitt sér að handboltanum en hún var einnig mjög hæfileikarík í fóbolta og á hún leiki að baki fyrir U17 landsliðið.
Í samtali við mbl segist hún þó ekki reikna með því að spila með KR í sumar.
„Þetta var skyndiákvörðun sem ég tók í gær. Hugsunin er að fá að æfa með KR-ingum meðan frí verður frá æfingum í handboltanum hjá Val," segir hún við Ívar Benediktsson á Morgunblaðinu.
„Það er engin alvara í þessu hjá mér. Ég reikna ekki með því að leika með KR. Fótboltaskórnir fara ekki í neinni alvöru af hillunni."
Athugasemdir
