Neil Warnock verður áfram við stjórnvölinn hjá Cardiff á næsta tímabili og ætlar að reyna að koma félaginu beint aftur upp í úrvalsdeildina.
Cardiff var síðasta liðið til að falla úr úrvalsdeildinni í ár en var á lífi í fallbaráttunni allt þar til undir lokin. Hinn 70 ára gamli Warnock hefði framkvæmt kraftaverk með að halda liðinu uppi.
„Ég ætla að taka eitt ár í viðbót í Championship. Það væri gaman að komast upp í níunda sinn. Ég hélt ég myndi ekki halda áfram, eiginkonan sannfærði mig!" sagði Warnock.
Enginn þjálfari hefur farið jafn oft upp um deild í enska boltanum og Warnock. Hann hefur farið upp um deild með Scarborough, Notts County (tvisvar), Huddersfield, Plymouth, Sheffield Unietd og QPR auk Cardiff.
Athugasemdir
