Liverpool sýndi ótrúlega yfirburði til að byrja með gegn AC Milan. Þessi lið eru núna að spila í fyrstu umferð riðlakeppni Meistaradeildarinnar.
Liverpool átti 13 marktilraunir á fyrstu 15 mínútum leiksins. Það kom eitt mark úr þeim og þá klúðraði Mohamed Salah vítaspyrnu.
„Ef Salah hefði skorað úr þessu, þá væri staðan 4-0 í hálfleik. En hann gerði það ekki. Svo breytist leikurinn á skömmum tíma," sagði Reynir Leósson í Meistaradeildarmörkunum á Stöð 2 Sport.
Liverpool var áfram með tögl og haldir á leiknum þangað til AC Milan á 42. mínútu. Ante Rebic skoraði markið. Stuttu eftir það skoraði Brahim Diaz og kom Milan í 2-1.
Hreint út sagt ótrúlegt. Ríkharð Óskar Guðnason, sem lýsir leiknum á Stöð 2 Sport, talaði um það snemma í fyrri hálfleiknum að þetta væri eins og æfing fyrir Liverpool. En samt fara þeir undir inn í leikhléið.
„Það er mjög áhugaverður hálfleikur framundan. Stóru nöfnin munu koma inn á," sagði Pat Nevin, fyrrum leikmaður Chelsea, á BBC.
Sadio Mane og Virgil van Dijk eru báðir á bekknum. Koma þeir inn á strax í hálfleik?
Just the 13 attempts on goal in the first 15 minutes for @LFC... 🤯
— Anfield Watch (@AnfieldWatch) September 15, 2021
Athugasemdir