Markvörður: Robert Sanchez (Chelsea) - Andre Onana hefði getað fengið valið en Sanchez átti frábæran leik í 1-0 sigri Chelsea gegn Bournemouth. Varði vítaspyrnu þegar staðan var markalaus.

Varnarmaður: Axel Tuanzebe (Ipswich) - Þessi fyrrum leikmaður Man Utd og Aston Villa hélt Mitoma algjörlega í skefjum í markalausu jafntefli Ipswich gegn Brighton.

Varnarmaður: Matthijs de Ligt (Manchester United) - Smá hnökrar í byrjun leiks gegn Southampton en svo sýndi hann úr hverju hann er gerður. Skoraði í 3-0 sigri.

Varnarmaður: Gabriel (Arsenal) - Algjört skrímsli. Skoraði með frábærum skalla og tryggði Arsenal sigur gegn Tottenham.

Varnarmaður: Jan Paul van Hecke (Brighton) - Svo öruggur á boltann og er leikmaður sem Brighton gæti selt til félags eins og Liverpool á næsta ári.

Miðjumaður: Moises Caicedo (Chelsea) - Er farinn að finna sig betur hjá Chelsea og er loksins farinn að spila eins og hann gerði hjá Brighton forðum daga.

Miðjumaður: Carlos Baleba (Brighton) - Var yfirburðarmaður á vellinum gegn Ipswich.

Miðjumaður: Emile Smith Rowe (Fulham) - Líður vel sem stór fiskur í lítilli tjörn. Átti stoðsendingu í 1-1 jafnteflinu gegn West Ham. Allt gott hjá Fulham fór í gegnum hann.

Sóknarmaður: Ollie Watkins (Aston Villa) - Skoraði tvö í frábærum endurkomusigri gegn Everton. Villa þarf á því að halda að hann haldist í stuði.

Sóknarmaður: Jean-Philippe Mateta (Crystal Palace) - Skoraði bæði mörk Palace í 2-2 jafntefli gegn Leicester.

Sóknarmaður: Erling Haaland (Manchester City) - Hvað mun gæinn enda með mörg mörk á tímabilinu? Skoraði tvö í sigrinum gegn Brentford og var pirraður yfir því að ná ekki enn einni þrennunni.

Stjórinn: Mikel Arteta (Arsenal) - Þurfti að gera breytingar á leikstílnum þar sem lykilmenn vantaði. Náði samgt sigri gegn erkifjendunum.