Mourinho tók við Tottenham í nóvember árið 2019 en samningurinn er í gildi til 2023.

Portúgalinn er með 15 milljónir punda í árslaun en gengi liðsins hefur verið afar slakt upp á síðkastið og situr liðið nú í 9. sæti deildarinnar, þó aðeins fjórum stigum frá Meistaradeildarsæti.

Tottenham er komið í úrslitaleik enska deildabikarsins en liðið mætir Manchester City þann 25. apríl.

Ef Tottenham ætlaði sér að reka Mourinho frá félaginu þá þyrfti það að greiða Mourinho 35 milljónir punda.

Tottenham hefur tapað fimm af síðustu sex leikjum liðsins en liðið er úr leik í enska bikarnum eftir dramatískt 5-4 tap gegn Everton.