Klopp: Býst ekki við því að City tapi stigum

Mynd: EPA

„Ég veit ekki hvenær City tapaði síðast stigum í tveimur leikjum í röð. Aston Villa þarf að spila leik í miðri viku og liðið er ekki vant því," sagði Jurgen Klopp, stjóri Liverpool, á blaðamannafundi í dag.

Liverpool spilar á morgun við Southampton og þarf á sigri að halda til að auka möguleika sína á að verða Englandsmeistari. Sem stendur er Liverpool fjórum stigum á eftir Manchester City í baráttunni um efsta sæti deildarinnar og leikurinn á morgun er leikur sem Liverpool á til góða.

Manchester City gerði jafntefli gegn West Ham í gær sem gerir það að verkum að Liverpool þarf að vinna sína leiki og treysta á að Aston Villa taki stig af City í lokaumferðinni næsta sunnudag. Sigri City í lokaumferðinni þá verður liðið Englandsmeistari annað tímabilið í röð.

Eins og Klopp kemur inn á þá á Aston Villa leik í miðri viku, gegn Burnley á fimmtudag. Það er eðlilegt að Klopp muni ekki eftir því hvenær City tapaði síðast stigum í tveimur deildarleikjum í röð. Það gerðist síðast í desember 2020, fyrir einu og hálfu ári síðan. Þá gerði liðið jafntefli gegn Manchester United á útivelli og svo jafntefli gegn WBA á heimavelli.

„City er gott fótboltalið og ég býst ekki við því að þeir tapi stigum gegn Villa. En það hefur engin áhrif á okkar leik á morgun. Ef að hlutirnir ganga upp þá förum við inn í lokaumferðina stigi á eftir City," sagði Klopp.

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7