Hrafnhildur og Anna.
Anna Garðars, leikmaður Þróttar og Hrafnhildur Agnarsdóttir, markmaður KR voru sérfræðingar EM svítunnar í kvöld, þær fóru þá yfir leik Þýskalands og Póllands sem fram fór í kvöld en hann endaði 0-0.
„Seinni hálfleikurinn var aðeins tíðindameiri en fyrri hálfleikurinn en þetta var ekki skemmtilegasti leikurinn," sagði Anna.
Arkadiusz Milik fékk algjört dauðafæri í byrjun leiks en hann fékk boltann í nefið þegar hann reyndi að skalla boltann af stuttu færi.
„Ef ég væri Milik, myndi ég ekki sofa vel í nótt," sagði Hrafnhildur. Mario Gomez kom inná sem varamaður í seinni hálfleik og fór lítið fyrir honum.
„Eina sem hann gerði var að hækka meðal útlitið hjá liðinu," sagði Hrafnhildur um Gomez.
Hér að ofan má sjá innslagið.
