Brynjar Þór Gestsson stýrir Þrótti Vogum um þessar undir.
„Leikurinn spilaðist eins og við vildum,'' sagði Brynjar Þór Gestsson, brágðabirðaþjálfari Þróttar Vogum, eftir 0-1 tap á heimavelli gegn Afturelding í Lengjudeild karla.
Lestu um leikinn: Þróttur V. 0 - 1 Afturelding
„Við vitum að þeir eru mjög góðir með boltann. Við vildum vera þéttir og gefa þeim lítið af færum sem ég held að hafi tekist mjög vel."
„Ég vil meina það að við fáum fjögur dauðafæri í leiknum og mögulega fimmta þegar þeir skora næstum því sjálfsmark. Á meðan þeir eru að búa til markið eftir fyrirgjöf og svo kannski eitt færi í viðbót."
Brynjar Þór var spurður út í hvort hann hafi áhuga að taka við sem aðalþjálfari hjá Þrótt V.
„Það er bara í vinnslu. Það er búið að tala við mig, en svo þarf bara að taka ákvörðun um það hvað ég vil gera. Þetta er lið sem ég er búinn að þjálfa áður og góðir vinir mínir sem stjórna þessu, ef þeim vantar aðstoð þá fá þeir hana.''
Næsti leikur liðsins er gegn KV, öðru liði sem er í fallsæti.
„Það er annar bikarleikur, við setjum þetta upp þannig. Núna þurfum við bara að drullast til þess að verða betri í fótbolta."
Hægt er að horfa á viðtalið í heild sinni hér fyrir ofan.
Athugasemdir
