Ásthildur Helgadóttir er án efa ein besta fótboltakona sem Ísland hefur átt og á hún 69 A-landsliðsleiki sem hún skoraði í 23 mörk.

„Þetta verður hörkuleikur og stemning á vellinum. Ég verð að viðurkenna að ég held með KR og vona að þær vinni. Ég held samt að Selfoss verði sterkari og vinni 2-1," segir Ásthildur.

„Selfoss skorar fyrsta markið í fyrri hálfleik, KR jafnar en Fríða skorar sigurmarkið í lokin."

KR-liðið byrjaði tímabilið ekkert sérstaklega vel og hefur spilamennska þeirra verið ansi upp og niður.

Selfyssingar hafa hins vegar átt fínt tímabil og eru í þriðja sæti í deildinni með 22 stig.

„ Þær verða vel að sigrinum komnar og fyrsti titill Selfoss í höfn."

Ásthildur hefur verið hluti af þættinum Pepsi Max mörkum kvenna á Stöð 2 Sport í sumar eftir langa dvöl í Svíðþjóð síðustu ár.