Jón Rúnar Halldórsson.
Formaður og varaformaður FH sendu frá sér yfirlýsingu nú seint í kvöld þar sem þeir biða Börk Edvardsson formann knattspyrnudeildar Vals afsökunar á ummælum sínum eftir leik liðanna í Pepsi-deildinni í kvöld.
Yfirlýsing FH:
Að gefnu tilefni:
Við undirritaðir Jón Rúnar Halldórsson formaður knattspyrnudeildar FH og Lúðvík Arnarson varaformaður knattspyrnudeildar FH viljum koma á framfæri eftirfarandi tilkynningu.
Eins og fram hefur komið í fjölmiðlum nú í kvöld fórum við fram með miður góðar staðhæfingar í garð formanns knattspyrnudeildar Vals, Barkar Edvardssonar. Við hörmum ummæli og framkomu okkar í garð Barkar og biðjum hann innilega afskökunar. Við getum í engu varið það sem við sögðum né heldur kennt neinum öðrum um en okkur sjálfum.
Virðingarfyllst
Jón Rúnar Halldórsson
Lúðvík Arnarson
Sjá einnig:
Formenn FH: Börkur tekur prósentur af sölu leikmanna
Sauð uppúr í Kaplakrika - Formennirnir rifust og Davíð sá rautt
Athugasemdir
