Napoli er á siglingu
Sandro Tonali skoraði sigurmark Milan og fagnar því hér
Luciano Spalletti og lærisveinar hans í Napoli hafa ekki enn tapað leik á tímabilinu en liðið vann í dag, 3-2, baráttusigur á Bologna í Seríu A og er Napoli því í toppsætinu.
Napoli fékk smá skell á 41. mínútu er hollenski framherjinn Joshua Zirkzee kom gestunum yfir en liðið tók sér ekki langan tíma að jafna sig og jafnaði Juan Jesus skömmu síðar eftir hornspyrnu.
Mexíkóski kantmaðurinn Hirving Lozano skoraði svo strax í upphafi síðari halfleiks en Bologna gafst ekki upp. Musa Barrow jafnaði tveimur mínútum síðar.
Victor Osimhen sá svo til þess að Napoli myndi taka öll stigin þegar rúmar tuttugu mínútur voru eftir og lokatölur 3-2. Napoli hefur unnið átta leiki og gert tvö jafntefli í deildinni og situr því á toppnum með 26 stig. Liðið hefur ekki enn tapað leik í öllum keppnum á tímabilum.
Ítalíumeistarar Milan unnu þá Hellas Verona, 2-1. Ekki byrjaði það vel fyrir Verona því Miguel Veloso, fyrirliði Verona, fékk boltann í sig eftir fyrirgjöf Rafael Leao og þaðan í netið. Óheppilegt.
Verona fær þó sérstakt hrós fyrir frammistöðuna í leiknum og kom liðið til baka tíu mínútum síðar með marki frá Koray Gunter. Liðið fékk oft gullin tækifæri til að klára leikinn en tókst ekki að nýta þau.
Sandro Tonali nýtti hins vegar sitt þegar níu mínútur voru eftir og kom Milan í 2-1 og tókst liðinu að halda út. Þriðji sigur Milan í röð í deildinni og liðið með 23 stig í 3. sæti deildarinnar.
Úrslit og markaskorarar:
Verona 1 - 2 Milan
0-1 Miguel Veloso ('9 , sjálfsmark)
1-1 Koray Gunter ('19 )
2-1 Sandro Tonali ('81 )
Napoli 3 - 2 Bologna
0-1 Joshua Zirkzee ('41 )
1-1 Juan Jesus ('45 )
2-1 Hirving Lozano ('49 )
2-2 Musa Barrow ('51 )
3-2 Victor Osimhen ('69 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Milan | 11 | 6 | 4 | 1 | 17 | 9 | +8 | 22 |
| 2 | Napoli | 11 | 7 | 1 | 3 | 16 | 10 | +6 | 22 |
| 3 | Roma | 11 | 7 | 1 | 3 | 10 | 5 | +5 | 22 |
| 4 | Inter | 10 | 7 | 0 | 3 | 24 | 12 | +12 | 21 |
| 5 | Bologna | 11 | 6 | 3 | 2 | 18 | 8 | +10 | 21 |
| 6 | Juventus | 11 | 5 | 4 | 2 | 14 | 10 | +4 | 19 |
| 7 | Como | 11 | 4 | 6 | 1 | 12 | 6 | +6 | 18 |
| 8 | Sassuolo | 11 | 5 | 1 | 5 | 14 | 12 | +2 | 16 |
| 9 | Udinese | 11 | 4 | 4 | 3 | 12 | 15 | -3 | 16 |
| 10 | Lazio | 10 | 4 | 3 | 3 | 13 | 7 | +6 | 15 |
| 11 | Cremonese | 11 | 3 | 5 | 3 | 12 | 13 | -1 | 14 |
| 12 | Torino | 11 | 3 | 5 | 3 | 10 | 16 | -6 | 14 |
| 13 | Atalanta | 11 | 2 | 7 | 2 | 13 | 11 | +2 | 13 |
| 14 | Cagliari | 11 | 2 | 4 | 5 | 9 | 14 | -5 | 10 |
| 15 | Lecce | 11 | 2 | 4 | 5 | 8 | 14 | -6 | 10 |
| 16 | Pisa | 11 | 1 | 6 | 4 | 8 | 14 | -6 | 9 |
| 17 | Parma | 11 | 1 | 5 | 5 | 7 | 14 | -7 | 8 |
| 18 | Genoa | 11 | 1 | 4 | 6 | 8 | 16 | -8 | 7 |
| 19 | Verona | 11 | 0 | 6 | 5 | 6 | 16 | -10 | 6 |
| 20 | Fiorentina | 11 | 0 | 5 | 6 | 9 | 18 | -9 | 5 |
Athugasemdir
