Endurkoma hjá Hodgson? - Orðinn líklegastur til að taka við Palace

Hodgson stýrði liðinu á árunum 2017-2021 og í kjölfarið tók Vieira við. Hann er 75 ára gamall og er uppalinn hjá Palace. Þegar hann tók við síðast setti hann met, náði h að koma liði sem tapaði fyrstu sjö leikjum sínum í deildinni í 11. sætið í lok tímabils. Ekkert annað lið hafði áður haldið sér uppi eftir að hafa tapað fyrstu sjö leikjum sínum á tímabilinu.

Á öðru tímabilinu jafnaði liðið met í sögu Palace í úrvalsdeildinni með því að ná í 49 stig. Hodgson ætlaði sér að stíga í burtu frá fótbolta en útilokaði þó ekkert. Hann sneri svo aftur í þjálfun í janúar fyrir rúmlega ári síðan og stýrði þá Watford út tímabilið, tók við af Claudio Ranieri en náði ekki að halda liðinu uppi.

Hodgson er sem stendur líklegasti kandídatinn í starfið hjá veðbönkum, McCarthy er næstur á eftir honum og svo koma Marcelo Bielsa, Ralph Hasenhuttl, Jesse Marsch og Lucien Favre.