Hádegisleikurinn á morgun er á milli Cardiff og Newcastle. Bæði þessi lið töpuðu í fyrstu umferðinni. Landsliðsfyrirliðinn Aron Einar Gunnarsson verður ólíklega með Cardiff í leiknum vegna meiðsla. Cardiff er ekki spáð góðu gengi í vetur.

Klukkan 14:00 á morgun eru fjórir leikir á dagskrá og þar ber hæst leikur Everton og Southampton sem sýndur er í beinni. Gylfi Þór Sigurðsson var tekinn af velli snemma gegn Úlfunum í síðustu umferð, honum var fórnað eftir að Phil Jagielka fékk rautt spjald. Vonandi fær Gylfi að vera lengur inn á vellinum gegn Southampton, en hann gerði magnað mark gegn Southampton á síðasta tímabili. Ef þú manst ekki alveg eftir því smelltu hér.

Leicester fær Úlfanna í heimsókn, Tottenham mætir nýliðum Fulham á Wembley, West Ham spilar við Bournemouth áður en laugardagurinn klárast með stórleik Chelsea og Arsenal á Brúnni. Maurizio Sarri gegn Unai Emery.

Á sunnudag mæta Jóhann Berg Guðmundsson og félagar í Burnley liði Watford í hádeginu, en á sama tíma spila Englandsmeistarar Manchester City við Huddersfield.

Manchester United, sem vann fyrsta leik sinn gegn Leicester, heimsækir Brighton í lokaleik sunnudagsins.

Umferðin klárast svo á mánudagskvöld þegar Liverpool fer í heimsókn til Crystal Palace.

Á morgun:
11:30 Cardiff - Newcastle (Stöð 2 Sport)
14:00 Everton - Southampton (Stöð 2 Sport)
14:00 Leicester - Wolves
14:00 Tottenham - Fulham
14:00 West Ham - Bournemouth
16:30 Chelsea - Arsenal (Stöð 2 Sport)

Á sunnudag:
12:30 Burnley - Watford
12:30 Manchester City - Huddersfield (Stöð 2 Sport)
15:00 Brighton - Manchester United (Stöð 2 Sport)

Á mánudag:
19:00 Crystal Palace - Liverpool (Stöð 2 Sport)