Úr leik Vals og Stjörnunnar á dögunum.
Það styttist í annan endann á Bestu deild kvenna en það eru bara fimm umferðir eftir af deildinni.
Það verður áhugavert að fylgjast með því hvaða leikmenn fara erlendis að tímabilinu loknu, hvort það verði margir leikmenn sem taki skrefið út.
Það hefur verið nokkuð mikið um það á síðustu árum að leikmenn séu að fara út og eigum við Íslendingar núna nokkra leikmenn í sterkustu deildum Evrópu.
Hvaða íslensku leikmenn eru næstar út þegar allt er tekið með inn í myndina?
Undirritaður ákvað að taka saman fimm leikmenn sem gætu skrefið út í atvinnumennsku. Næst á þessum lista var Ólöf Sigríður Kristinsdóttir, en hún er að stíga upp úr meiðslum. Það er leikmaður sem á klárlega bjarta framtíð fyrir höndum en hefur lítið ná að spila í sumar.
Jasmín Erla Ingadóttir - Hefur sprungið út í sumar og er með skemmtilega eiginleika fram á við. Búin að skora mikið og hefur verið mikilvæg í sóknarleik Stjörnunnar.
Karitas Tómasdóttir - Verið mjög sterk á miðsvæðinu hjá Breiðbliki og tekið góð skref fram á við eftir því sem liðið hefur á tímabilið. Er í baráttu um að komast í landsliðið og spurning hvort hún horfi til þess að fara út í enn sterkari deild.
Ásdís Karen Halldórsdóttir - Búin að taka jákvæð skref á sínum ferli og verið frábær í toppliði Vals í sumar. Mjög skapandi leikmaður sem getur búið til eitthvað úr engu.
Sandra María Jessen - Er búin að vera mikilvægasti leikmaður Þórs/KA í sumar. Var að spila í þýsku úrvalsdeildinni áður en hún eignaðist sitt fyrsta barn. Getur klárlega spilað á hærra stigi og horfir eflaust til þess að gera það með landsliðið í huga.
Arna Sif Ásgrímsdóttir - Hefur áður farið út og gert vel. Er Búin að vera stórkostleg í sumar. Það gæti hjálpað henni að komast í landsliðið ef hún fer aftur út.
Athugasemdir
