Brasilíska stórstjarnan Neymar hefur verið mikið á milli tannanna á fólki í sumar. Hann vildi fara aftur til Barcelona en samningar náðust ekki tímanlega og því er hann áfram leikmaður PSG.

Hann lék sinn fyrsta leik á tímabilinu með PSG um liðna helgi og skoraði hann sigurmarkið gegn Strasbourg í uppbótartíma. Hann fékk ömurlegar móttökur frá stuðningsmönnum Parísarliðsins, sem eru ósáttir með hegðun Neymar í sumar.

Neymar var fyrir tveimur árum keyptur til PSG frá Barcelona fyrir heimsmetsfé. Hann ætlaði sér að koma sér úr skugganum á Lionel Messi, en það hefur honum ekki tekist að gera.

„Ég vona að Neymar svari á vellinum. Hann verður að sanna það að hann er orðinn sterkur aftur," sagði Cesar við Le Parisien.

„Það er vitað hversu góður hann er og því er eðlilegt að gera miklar kröfur á hann."

„Ég trúi því að Neymar geti aftur komist á þann stall sem hann var einu sinni á," segir Cesar.

Neymar og hans liðsfélagar í PSG mæta til leiks í Meistaradeildinni á morgun og spila þá gegn Real Madrid.