Byrjunarlið Breiðabliks og Víkings: Atli Þór byrjar - Ein breyting hjá Blikum
Atli Þór leiðir sóknarlínu Víkinga í kvöld
Mynd: Fótbolti.net - Hafliði Breiðfjörð
Atli Þór leiðir sóknarlínu Víkinga í kvöld
Mynd: Fótbolti.net - Hafliði Breiðfjörð
Vilhjálmur Alvar Þórarinsson flautar til leiks á Kópavogsvelli klukkan 19:15. þar sem Breiðablik og Víkingur mætast í fjórðu umferð tvískiptingar Bestu deildarinnar.
Víkingar eru orðnir Íslandsmeistarar en liðið tryggði skjöldinn í síðustu umferð þegar liðið vann FH. Breiðablik er í harðri baráttu um að ná í Evrópusæti að ári. Breiðablik situr í fjórða sæti deildarinnar tveimur stigum á eftir Stjörnunni.
Halldór Árnason þjálfari Breiðablik gerir eina breytingu frá sigrinum gegn Fram í síðustu umferð. Davíð Ingvarsson kemur inn í liðið og Kristinn Steindórsson fær sér sæti á bekknum. Óli Valur Ómarsson er ekki í hóp hjá heimamönnum í kvöld vegna fjölda áminninga og er hann því í banni í kvöld.
Sölvi Geir Ottesen þjálfari Víkinga gerir tvær breytingar á liði sínu frá síðustu umferð þegar liðið vann FH og tryggði sér í leiðinni Íslandsmeistaratitilinn. Atli Þór Jónasson og Tarik Ibrahimagic koma báðir inn í lið Víkinga. Nikolaj Hansen fær sér sæti á bekknum og þá er Daníel Hafsteinsson ekki í hóp en hann tekur út leikbann í kvöld. Matthías Vilhjálmsson er sömuleiðis í leikbanni í kvöld. Pablo Punyed er í leikmannahópi Sölva í kvöld og byrjar á bekknum.
Byrjunarlið Breiðablik
Anton Ari Einarsson, Höskuldur Gunnlaugsson, Viktor Karl Einarsson, Anton Logi Lúðvíksson, Ágúst Orri Þorsteinsson, Valgeir Valgeirsson, Davíð Ingvarsson, Kristinn Jónsson, Viktor Örn Margeirsson, Kristófer Ingi Kristinsson, Damir Muminovic
Byrjunarlið Víkingur R.
Ingvar Jónsson, Peter Oliver Ekroth (fyrirliði), Gunnar Vatnhamar, Viktor Örlygur Andrason, Helgi Guðjónsson, Gylfi Þór Sigurðsson, Atli Þór Jónasson, Óskar Borgþórsson, Tarik Ibrahimagic, Karl Friðleifur Gunnarsson, Valdimar Þór Ingimundarson
