Sophie Ingle, leikmaður Chelsea og velska landsliðsins, verður ekki meira með á þessu tímabili eftir að hafa slitið krossband.
Ingle er 33 ára gömul og spilar á miðjunni en hún hefur gegnt mikilvægu hlutverki í liði Chelsea síðan hún kom frá Liverpool fyrir sex árum.
Á dögunum spilaði Chelsea vináttuleik við Feyenoord og kom Ingle inn á í hálfleik, en sleit krossband þegar um það bil fimmtán mínútur voru til leiksloka.
Hún verður því ekki meira með á þessu tímabili, en þetta er þriðji leikmaðurinn sem slítur krossband á þessu ári.
Samantha Kerr sleit krossband í janúar og sama kom fyrir bandarísku landsliðskonuna Miu Fashel, en hún meiddist á æfingu í febrúar síðastliðnum.
Chelsea, sem varð Englandsmeistari í maí, spilar sinn fyrsta deildarleik á tímabilinu gegn Aston Villa eftir fjóra daga.
Athugasemdir
