17.10.21 - 09:00
Guðmundur Aðalsteinn Ásgeirsson
Dvöl Ramos hjá PSG enginn draumur til þessa
Sergio Ramos með treyju PSG.
Mynd: Getty Images
Sergio Ramos með treyju PSG.
Mynd: Getty Images
Spænski varnarmaðurinn Sergio Ramos gekk í raðir Paris Saint-Germain í Frakklandi síðasta sumar eftir að hann yfirgaf herbúðir spænska stórveldisins Real Madrid.
Það var búist við miklu af þessum sigurvegara í París en hann hefur hingað til ekki náð að sýna neitt.
Þremur mánuðum eftir að hann samdi við PSG, hefur hann ekki enn náð að sparka í bolta fyrir sitt nýja félag. Meiðsli hafa leikið hann grátt.
Það var talið líklegt að hann myndi spila gegn Angers í leik sem fram fór á föstudag, en svo í síðustu kom bakslag í meiðslin.
Hann mun jafnframt missa af leik gegn Marseille um næstu helgi, sem er stór leikur fyrir PSG í frönsku úrvalsdeildinni.
„Hann er með stuðning frá öllum innan félagsins. Við vonumst til að sjá hann fljótlega," sagði Mauricio Pochettino, stjóri PSG, við fréttamenn í síðustu viku.
Ramos missti af 30 leikjum í heildina hjá Real Madrid á síðasta tímabili vegna meiðsla. Það eru efasemdarraddir um það hvort þessi 35 ára gamli varnarmaður muni ná sér á strik þegar hann kemur til baka í ljósi þess hve mikið hann hefur verið meiddur.
Dvöl hans hjá PSG hefur alla vega ekki verið neinn draumur til þessa.
Þremur mánuðum eftir að hann samdi við PSG, hefur hann ekki enn náð að sparka í bolta fyrir sitt nýja félag. Meiðsli hafa leikið hann grátt.
Það var talið líklegt að hann myndi spila gegn Angers í leik sem fram fór á föstudag, en svo í síðustu kom bakslag í meiðslin.
Hann mun jafnframt missa af leik gegn Marseille um næstu helgi, sem er stór leikur fyrir PSG í frönsku úrvalsdeildinni.
„Hann er með stuðning frá öllum innan félagsins. Við vonumst til að sjá hann fljótlega," sagði Mauricio Pochettino, stjóri PSG, við fréttamenn í síðustu viku.
Ramos missti af 30 leikjum í heildina hjá Real Madrid á síðasta tímabili vegna meiðsla. Það eru efasemdarraddir um það hvort þessi 35 ára gamli varnarmaður muni ná sér á strik þegar hann kemur til baka í ljósi þess hve mikið hann hefur verið meiddur.
Dvöl hans hjá PSG hefur alla vega ekki verið neinn draumur til þessa.
