Brynjar Hlöðversson skoraði í úrslitaleik VFF bikarsins í Færeyjum en um er að ræða æfingamót. HB vann Skála í úrslitaleik á þjóðarleikvangi Færeyja en staðan eftir venjulegan leiktíma var 2-2.
Brynjar skoraði fyrsta mark leiksins en HB tryggði sér sigurinn eftir vítaspyrnukeppni.
Brynjar skoraði fyrsta mark leiksins en HB tryggði sér sigurinn eftir vítaspyrnukeppni.
Tæplega þrjár vikur eru í að Betri-deildin, efsta deild Færeyja, fer af stað en þar eru allir vellir með gervigrasi og leikin þreföld umferð.
Heimir Guðjónsson er á leið inn í sitt annað tímabil sem þjálfari HB en undir hans stjórn varð liðið Færeyjameistari með yfirburðum í fyrra.
HB er á leið í æfingaferð til Tyrklands en liðið leikur við KÍ í fyrstu umferð Betri-deildarinnar þann 10. mars.
Í 2. umferð leikur liðið svo við NSÍ Runavík en Guðjón Þórðarson tók við þjálfun NSÍ í vetur.
Athugasemdir