Hinn 29 ára gamli Berger kemur frá Dalkurd en þar lék hann með liðinu í B-deildinni í Svíþjóð. Hann á yfir 25 leiki í sænsku úrvalsdeildinni á ferilskránni.

Emil hefur spilað áður á Íslandi en það gerði hann árið 2013 en þá lék hann með Fylki.

Fyrsti leikur Leiknis í Pepsi Max deildinni verður gegn Stjörnunni á útivelli þann 23. apríl.

„Emil kemur með aukna reynslu í Leiknisliðið en hann hefur áður spilað í efstu deild hér á landi, fyrir Fylki 2013 en þá kom hann á láni frá Örebro.
Það er mikið ánægjuefni að fá Emil í Breiðholtið en hann hefur lokið sóttkví og er kominn með leikheimild fyrir Lengjubikarleikinn gegn ÍBV á laugardaginn," segir á meðal annars í tilkynningu frá Leikni.