Fotbolti.net
18.02.24 - 18:26
Ívan Guðjón Baldursson

England: Höjlund sá um Luton í fjörugri viðureign

England: Höjlund sá um Luton í fjörugri viðureign
Canon

Mynd: EPA

Luton Town 1 - 2 Man Utd
0-1 Rasmus Höjlund ('1)
0-2 Rasmus Höjlund ('7)
1-2 Carlton Morris ('14)
Luton Town og Manchester United áttust við í seinni leik dagsins í ensku úrvalsdeildinni og úr varð opinn leikur sem bauð upp á mikla skemmtun.

Byrjunin var rafmögnuð, þar sem Rasmus Höjlund skoraði tvennu á fyrstu sjö mínútum leiksins. Fyrra markið kom eftir slæm varnarmistök en seinna markið var afar laglegt, þar sem Daninn ungi notaði brjóstkassann til að stýra boltanum í netið.

Luton svaraði vel fyrir sig og minnkaði Carlton Morris muninn á 14. mínútu og spilaðist leikurinn endanna á milli eftir það, þar sem liðin skiptust á að sækja.

Bæði lið fengu mikið af færum en Rauðu djöflarnir voru hættulegri í sínum sóknaraðgerðum. Engum tókst þó að bæta marki við leikinn þrátt fyrir góð færi og stóð Man Utd uppi sem sigurvegari, lokatölur 1-2. Ross Barkley komst nálægt því í uppbótartímanum en skalli hans fór í slánna og yfir.

Man Utd er áfram í sjötta sæti eftir þennan sigur, en þetta er fjórði sigur liðsins í röð í deildinni. Lærisveinar Erik ten Hag eru aðeins fimm stigum á eftir Aston Villa í síðasta meistaradeildarsætinu.

Luton er áfram í fallbaráttu, einu stigi fyrir ofan fallsvæðið.
England: Höjlund sá um Luton í fjörugri viðureign
Canon

Mynd: Getty Images

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.