Riga FC er aftur komið á sigurbraut í efstu deild í Lettlandi. Axel Óskar Andrésson var aftur kominn í byrjunarliðið eftir að hafa byrjað á bekknum í síðustu umferð þegar liðið gerði jafntefli gegn Metta/LU.

Með Axel í byrjunarliðinu hefur liðið nú unnið fjóra leiki af fjórum, einungis fengið á sig eitt mark og skorað fimmtán. Axel lék fyrstu 55. mínúturnar í gær þegar Riga vann 4-0 heimasigur gegn Daugavpils.

Hann fékk að líta gula spjaldið á 23. mínútu og fór af velli í stöðunni 3-0. Riga er í toppsæti deildarinnar með þrettán stig eftir fimm umferðir en Valmiera getur jafnað við toppliðið með sigri í 5. leik sínum.

Í Póllandi sneri Aron Jóhannsson aftur á völlinn í lið Lech Poznan. Aron lék tæplega korter gegn Jagiellonia þann 20. mars en var svo ekki í hóp í leiknum gegn Cracovia í byrjun apríl. Hann var þá ónotaður varamaður gegn Legia í síðustu umferð.

Aron kom inn á í hálfleik í gær og lék allan seinni hálfleikinn í 3-1 tapi á útivelli gegn Rakow. Lech Poznan er í 11. sæti pólsku deildarinnar sem er óviðunandi árangur.

Kolbeinn Þórðarson var frá vegna meiðsla þegar Lommel vann 2-5 útisigur gegn RWDM í belgísku B-deildinni. Lommel er í þriðja sæti deildarinnar, sex stigum frá 2. sætinu sem gefur sæti í efstu deild.

Loks mættust þeir Mikael Egill Ellertsson og Ari Sigurpálsson í ítölsku Primavera deildinni. Mikael Egill byrjaði og lék allan leikinn með liði Spal í 2-2 jafntefli gegn Bologna. Ari kom inn á sem varamaður á 79. mínútu.

Spal er sem stendur í síðasta sætinu, því sjötta, sem veitir keppnisrétt í úrslitakeppni í lok móts. Bologna er í 13. sæti og gæti fallið úr efstu deild Primavera deildarkerfisins. Primavera er eins konar samblanda af U19 liði og varaliði.


Kolbeinn Þórðarson


Mikael Egill Ellertsson

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit