Kári Árnason fór meiddur af velli í landsleik gegn Albaníu í síðustu viku og hefur hann misst af síðustu tveimur leikjum Víkings af þeim sökum.
Hann meiddist aftan í læri og missti af bikarúrslitunum þar sem Víkingur vann 1-0 sigur á FH. Hann var einnig fjarverandi þegar Víkingur tapaði 2-1 gegn Fylki í kvöld.
Arnar Gunnlaugsson, þjálfari Víkings, var spurður út í stöðu mála á landsliðsmiðverðinum.
„Við erum að vonast til að tjasla honum fyrir leikinn gegn ÍA, hann ætti að geta náð honum," sagði Arnar.
Víkingur mætir ÍA í lokaumferð deildarinnar þann 28. september næstkomandi.
Ísland mætir Frakklandi og Andorra í mikilvægum leikjum í undankeppni EM 2020 í næsta mánuði. Arnar telur að Kári verði klár í þá leiki.
Athugasemdir