Peter Whittingham, fyrrum leikmaður Cardiff og Aston Villa, er látinn 35 ára að aldri. Whittingham hefur verið á sjúkrahúsi síðan 7. mars síðastliðinn vegna höfuðmeiðsla.
Whittingham datt illa í stiga þegar hann var staddur á bar þann 7. mars síðastliðinn og varð hann fyrir alvarlegum höfuðmeiðslum. Hann lést á sjúkrahúsi í þessari viku.
Hinn 35 ára gamli Whittingham spilaði með Aston Villa áður en hann fór til Cardiff árið 2007.
Hann skoraði 98 mörk í 459 leikjum hjá Cardiff og er í miklum metum hjá félaginu. Hann var lengi liðsfélagi Arons Einars Gunnarssonar hjá Cardiff.
Whittingham var þekktur fyrir öflugan vinstri fót á fótboltaferli sínum en hann lagði skóna á hilluna árið 2018 eftir tímabil með Blackburn Rovers.
It is with an immeasurable amount of sorrow that we must inform supporters that Peter Whittingham has passed away at the age of 35.
— Cardiff City FC (@CardiffCityFC) March 19, 2020
Club Statement: https://t.co/SGYOx4L2x2 pic.twitter.com/cvkfhRkP1N
Athugasemdir