Panathinaikos er með tveggja stiga forystu á toppnum í grísku deildinni en það var toppslagur í dag þegar liðið mætti AEK Athens.
Hörður Björgvin Magnússon er í landsliðshópnum sem tekur á móti Bosníu og Liechtenstein í undankeppni EM 2024 en hann var í byrjunarliði Panathinaikos í dag.
Leiknum lauk með markalausu jafntefli. PAOK vann Aris en liðið er í 4. sæti sem gefur þátttökurétt í Sambandsdeildinni. Sverrir Ingi Ingason er leikmaður PAOK en hann er fjarverandi vegna meiðsla.
Hilmir Rafn á skotskónum og Hacken í úrslit
Hilmir Rafn Mikaelsson hefur verið heitur í treyju Tromsö en liðið mætti Lilleström í norska bikarnum í dag.
Staðan var jöfn 1-1 en Hilmir kom Tromsö í forystuna eftir klukkutíma leik. Lilleström kom leiknum í framlengingu og þar skoraði varnarmaður Tromsö sjálfsmark og Lilleström vann 3-2.
Hilmir er nú með þrú mörk í sex leikjum fyrir Tromsö.
Í sænska bikarnum komst Hacken áfram í úrslit eftir 3-0 sigur á Djurgarden. Valgeir Lunddal Friðriksson var í byrjunarliði Hacken.