Vincent Kompany er búinn að staðfesta að hann hefur tekið við starfi spilandi þjálfara hjá Anderlecht í belgíska boltanum.
Þessar fregnir berast aðeins skömmu eftir að tilkynnt var að Kompany yrði ekki áfram í liði Englandsmeistara Manchester City eftir ellefu ár hjá félaginu.
Kompany er uppalinn hjá Anderlecht og spilaði fyrir félagið í þrjú ár áður en hann hélt til Hamburger SV í Þýskalandi. Þar var hann í tvö ár áður en Man City krækti í hann.
Anderlecht er með betri liðum Belgíu en þetta tímabil reyndist ekki sérlega gott og er liðið í sjötta sæti deildarinnar fyrir lokaumferðina án möguleika á að komast í Evrópukeppnir.
Athugasemdir
