Ásmundur Arnarsson, þjálfari Fjölnis í leiknum í dag.
„Enn og aftur sár og svekktur. Við lögðum allt í þetta, ég get ekkert kvartað ekki yfir vinnuframlaginu þannnig, en við nýttum okkur ekki nógu vel þá stöðu sem við vorum komnir í." voru fyrstu viðbrögð Ásmundar Arnarssonar þjálfara Fjölnis eftir 1-1 jafntefli við KA í dag.
Lestu um leikinn: Fjölnir 1 - 1 KA
„Mér fannst við hafa góð tök á leiknum í fyrri hálfleik. Aðstæður voru kannski þannig að þó það sé stundum gott að hafa vindinn í bakið, þá var erfitt að halda í boltann þannig. Við byrjum á móti vindi og náum góðri pressu á þá og sköpuðum hættulega möguleika og hættuleg færi."
„Mér fannst í seinni hálfleik að við náum ekki að nýta okkur þá yfirburði að vera einum manni fleiri nógu vel, hefðum þurft að geta haldið aðeins betur í boltann og skapað meira en ekki það fyrir að ef við hefðum okkar sénsa þá hefðum við klárað þetta."
„Bara áfram gakk, þetta verður auðvitað bara barátta. Við horfum bara á einn leik í einu, næsta verkefni er Skaginn hérna heima og það er næsti möguleiki til að ná í fyrsta sigurinn."
Viðtalið í heild sinni má sjá í sjónvarpinu hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
