Calvert-Lewin féll um Trent Alexander-Arnold en hægri bakvörður Liverpool renndi sér til að komast fyrir skot Calvert-Lewin. Þegar Calvert-Lewin var búinn að skjóta rakst hann í Alexander-Arnold og féll í jörðina.

Chris Kavanagh, dómari, fór í VAR-skjáinn en hann var ekki lengi þar. Hann skoðaði atvikið einu sinni og benti á punktinn. Gylfi fór á vítapunktinn og skoraði.

Souness var sérfræðingur fyrir Sky Sports í kvöld og hann sagði: „Aldrei vítaspyrna, hann er byrjaður að missa jafnvægið áður en snertingin kemur. Ég held að það sé ekki einn fótboltamaður sem myndi segja að þetta sé vítaspyrna en Everton voru betri í öllum mikilvægum þáttum leiksins."

Hér fyrir neðan má sjá allt það helsta úr leiknum, þar á meðal vítaspyrnudóminn.