Lyon vann Wolfsburg 2-1 í fyrri leik liðanna í 8-liða úrslitum Meistaradeildar Evrópu í kvöld en Sara Björg Gunnarsdóttir var í liði Wolfsburg.
Lyon er ríkjandi Evrópumeistari og hefur verið besta lið heims síðustu ár en það hefur unnið frönsku deildina samfleytt síðustu ellefu ár.
Wolfsburg tapaði einmitt fyrir Lyon í úrslitum á síðasta ári þar sem Sara meiddist eftir klukkutímaleik.
Í kvöld þurfti Wolfsburg aftur að sætta sig við tap en Lyon komst tveimur mörkum yfir áður en Nilla Fischer minnkaði muninn og kom Wolfsburg í ágæta stöðu fyrir síðari leikinn.
Sara Björk lék allan leikinn fyrir Wolfsburg. Þá vann Barcelona lið Lilleström, 3-0. Slavia Prag og Bayern München gerðu þá 1-1 jafntefli.
Athugasemdir