Hvenær byrjar Pepsi Max-deildin í ár?
Eins og fram hefur komið þá hefur upphafi móta sumarsins hjá KSÍ verið frestað fram í miðjan maí vegna kórónuveirunnar. Á það við um mót meistaraflokka og yngri flokka.
Mikil óvissa ríkir um framhaldið á samkomubanni almannavarna og því er ekki hægt að gefa út nákvæma dagsetningu á því hvenær keppni í einstökum mótum hefst. Þetta kemur fram á vef KSÍ í dag.
Mótanefnd KSÍ skoðar nú mögulegar sviðsmyndir og hvernig leikjum sumarsins verði best fyrir komið. Þegar fyrir liggur hvenær hægt verður að hefja keppni aftur verður gefin út ný niðurröðun leikja.
Fram að því verða mótin birt á vef KSÍ með núverandi dagsetningum.
Sjá einnig:
Gætu orðið stórar breytingar á mótafyrirkomulagi - Bikarkeppninni fórnað?
Athugasemdir
