Tillaga um evrópska Ofurdeild hefur verið harkalega gagnrýnd en tólf af stærstu félögum Evrópu komu sér saman um að stofna svoleiðis keppni.
Það vantar mikið af stórliðum á listann yfir stofnfélög þar sem ekkert þýskt eða franskt félag hefur samþykkt að taka þátt í Ofurdeildinni.
Florentino Perez, forseti Real Madrid, er spenntur fyrir Ofurdeildinni og var spurður út í hana í gær. Perez sagði þá að stjórnendur PSG, Bayern og Dortmund væru líklegast sárir vegna þess að þeim var ekki boðið að stofna keppnina með hinum félögunum.
Þetta er hrein og bein lygi samkvæmt gögnum sem Der Spiegel hefur undir höndunum. Þau gögn segja að Bayern, Dortmund og PSG hafi verið boðið að stofna Ofurdeildina en þau hafi hafnað því tilboði. Félögin er sögð hafa enn nokkrar vikur til að samþykkja tillöguna og slást í för með hinum stórveldunum.
Það verður að teljast nokkuð ólíklegt að þessar breytingar gangi í gegn en það er aldrei að vita hvað gerist í knattspyrnuheiminum.
Perez claiming that #PSG, #Bayern and #BVB were not invited is a straight up lie. Documents obtained by Der Spiegel show that #Bayern and #BVB were invited and have 30 days to join. PSG also invited but they have 14 days to join the Super League. (Via @derspiegel) pic.twitter.com/j20aDE7Y5l
— Dr. Manuel Veth (@ManuelVeth) April 19, 2021
Athugasemdir