„United þarf að fara að vinna titla. Þetta snýst um að ná í réttu leikmennina sem munu hjálpa þér að berjast um titla. Mér finnst Man Utd flottir á miðjunni. Ég heyri mikið um Declan Rice en er hann betri leikmaður en Scott McTominay?" segir Butt.

„Mér finnst Man Utd vel settir á miðjunni með McTominay, Paul Pogba og Bruno Fernandes. Við erum á góðum stað á miðsvæðinu."

Butt segir að helsta nauðsyn United sé að fá inn miðvörð með Harry Maguire.

„Raphael Varane er kannski eldri en flestir myndu vilja, en við þurfum bara að hugsa aftur til Teddy Sheringham. Hann kom til okkar þegar hann var 32 ára held ég. Hann hjálpaði okkur að vinna þrennuna. Ef það er hægt að fá hann, þá myndi ég gera allt til þess að gera það."

Varane, sem er 28 ára, á eitt ár eftir af samningi sínum við Real Madrid. Hann gæti yfirgefið spænska stórveldið í sumar.