Eiður Ben
„Mér fannst svörunin góð og við vissum að þessi leikur gæti farið á tvo vegu. Annað hvort að hann yrði í pattstöðu eins og fyrri leikurinn eða við myndum ganga frá leiknum og við gerðum það," sagði Eiður Ben Eiríksson, þjálfari Vals, eftir öruggan sigur gegn Þrótti í dag.
Lestu um leikinn: Valur 6 - 1 Þróttur R.
Náðuð þið að nýta eitthvað vonbrigðin eftir tapið gegn Breiðabliki á föstudaginn?
„Nei, ekkert þannig. Við vorum fúl á föstudeginum og svo kom nýr dagur á laugardeginum og sem betur fer var sól á æfingu. Þetta er hluti af þessu og allir þessir leikmenn eru búnir að vera lengi í fótbolta og vita alveg um hvað þetta snýst. Þetta var bara eitt mót, við förum alltaf inn í tímabil og hugsum að við ætlum að taka þann stóra og hinn, þessi litli, er bónus."
„Ég er ánægður með alla leikmennina, ánægður með leikmennina sem komu inn á, þeir svöruðu heldur betur kallinu. Líka ánægður með leikmennina sem komu inn í liðið úr síðasta leik. Ég er mjög ánægður með leikinn heilt yfir."
Eiður hafði einnig tíma í að skjóta aðeins á sérfræðinga og tjáði sig um áhuga erlendra félaga á Elínu Mettu Jensen.
Viðtalið í heild sinni má sjá í spilaranum fyrir ofan.
