Ísland féll úr leik á EM kvenna eftir 1-1 jafntefli gegn Frakklandi á mánudaginn.
Ísland gerði 1-1 jafntefli í öllum þremur leikjum riðilsins. Gegn Frakklandi, Ítalíu og Belgíu.
Það vekur athygli að það er greinilegt að þjóðin fylgdist grant með leiknum gegn Frakklandi en samkvæmt bráðabirgðatölum sem bárust í dag var áhorfsmet á Íslandi á leikinn á EM kvenna.
68% þjóðarinnar horfði á leikinn í sjónvarpinu en gamla metið kom einmitt í leik gegn Frakklandi en það var 1-0 tap á EM í Hollandi árið 2017 þegar 58% sáu leikinn.
Það var Valgeir Vilhjálmsson markaðsrannsóknarstjóri Rúv sem birti þessa tölfræði á Twitter síðu sína í kvöld.
NÝTT áhorfsmet á EM kvenna... 63% horfðu á leik Íslands og Frakklands á EM kvenna í fótbolta samkvæmt bráðabirgðatölum sem bárust í dag! Gamla metið var 58% á leik Íslands og Frakklands á EM kvenna 2017. #ruvithrottir #weuro2022 #emruv #fotbolti pic.twitter.com/znlu38oqw8
— Valgeir Vilhjalmsson (@valgeirv) July 20, 2022
