Akpom verður 25 ára í október og hefur verið mikilvægur hlekkur í liði PAOK í Grikklandi undanfarin ár.

Á tíma sínum hjá Arsenal spilaði Akpom aðeins tólf leiki og var meðal annars lánaður til Hull City og Brighton þegar félögin komust upp úr Championship deildinni.

Akpom gerði 18 mörk í 79 leikjum hjá PAOK og mun berjast við Ashley Fletcher og Britt Assombalonga um byrjunarliðssæti.

Akpom þótti gífurlegt efni á sínum tíma og skoraði 20 mörk í 44 leikjum fyrir yngri landslið Englands, allt frá U16 að U21.