Sunderland er komið aftur upp í ensku B-deildina eftir að hafa unnið Wycombe Wanderers, 2-0, í umspili í dag.
Saga Sunderland síðustu ár hefur þótt fremur dapurleg en liðið féll niður um tvær deildir á tveimur árum.
Liðið féll úr úrvalsdeildinni árið 2017 og svo beint niður í C-deildina árið eftir.
Sunderland hefur spilað þar síðustu fjögur árin og alltaf verið hársbreidd frá því að komast aftur upp í B-deildina og tókst það loks í dag.
Elliot Embleton kom Sunderland yfir á 12. mínútu áður en Ross Stewart tryggði sigurinn ellefu mínútum fyrir leikslok.
Sunderland er því komið aftur upp í B-deildina og það við mikinn fögnuð stuðningsmanna, en fólk hefur fengið að kynnast félaginu og leikmönnum þess í gegnum heimildaþættina vinsælu, Sunderland Till I Die, sem hægt er að streyma á Netflix.
SUNDERLAND ARE PROMOTED TO THE CHAMPIONSHIP!!! 🔴⚪️🏆pic.twitter.com/GrtKaFQ9Z9
— Sky Sports (@SkySports) May 21, 2022
Athugasemdir