Heimir Guðjónsson þjálfari FH.
„Mér líður ágætlega yfir því að hafa fengið eitt stig, en ekkert yfir spilamennskunni," sagði Heimir Guðjónsson þjálfari FH eftir 1-1 jafntefli gegn Breiðablik á heimavelli í kvöld.
Kassim Doumbia skoraði jöfnunarmarkið fyrir FH á 94. mínútu með skalla eftir hornspyrnu.
Kassim Doumbia skoraði jöfnunarmarkið fyrir FH á 94. mínútu með skalla eftir hornspyrnu.
Lestu um leikinn: FH 1 - 1 Breiðablik
„Það er aldrei spurt að því í fótbolta, hvað þú átt skilið og hvað ekki. Við héldum áfram eftir að Breiðablik skoraði. Við sýndum smá karakter og komum til baka," sagði Hemir sem var eins og fyrr segir, ekkert rosalega ánægður með spilamennsku sinna manna í leiknum.
„Við héldum ekki boltanum nægilega vel innan liðsins. Í fyrri hálfleik fannst mér eins og boltinn væri eldhnöttur. Við vorum að missa boltann of langt frá okkur og náðum engu floti í spilinu okkar. Það voru aðal vandræðin. Blikarnir náðu auðveldlega að loka á það sem við vorum að gera," sagði Heimir Guðjónsson þjálfari FH.
Viðtalið í heild sinni er hægt að sjá í sjónvarpinu hér að ofan.
