KSÍ tók í gær ákvörðun um að reyna að halda Íslandsmótinu áfram og reyna að klára það.
Félög á höfuðborgarsvæðinu mega ekki keppa til 3. nóvember, en þau mega æfa með sérstökum skilyrðum.
Stefnan er að halda áfram Íslandsmótinu í næsta mánuði, en samkvæmt leikjaplani sem var gefið út í dag mun einn leikur fara fram fyrir 3. nóvember.
Það er frestaður leikur Keflavíkur og Grindavíkur í Lengjudeild karla sem er núna settur á 31. október.
Þessi lið mega spila þar sem þau eru bæði utan höfuðborgarsvæðisins, þar sem mikið hefur verið um smit. Það eru strangari reglur á höfuðborgarsvæðinu.
Athugasemdir