22.03.23 - 10:00
Guðmundur Aðalsteinn Ásgeirsson
Með efasemdir um getu Frimpong til að verjast
Frimpong fagnar marki með Bayer Leverkusen.
Mynd: EPA
Frimpong fagnar marki með Bayer Leverkusen.
Mynd: EPA
Það ráku margir upp stór augu þegar bakvörðurinn Jeremie Frimpong var ekki valinn í hollenska landsliðshópinn fyrir fyrstu leikina í undankeppni EM 2024.
Frimpong er á mála hjá Bayer Leverkusen í Þýskalandi og þykir gríðarlega spennandi bakvörður. Hefur hann til að mynda verið orðaður við Manchester United og fleiri stór félög.
Ronald Koeman, nýráðinn landsliðsþjálfari Hollands, var spurður út í fjarveru Frimpong á fréttamannafundi og fór þá ekkert í felur með það af hverju leikmaðurinn væri ekki hluti af hópnum.
„Hann er ekki í hópnum út af kerfinu sem við spilum. Hann spilar næstum því sem kantmaður. Hægri bakvörðurinn minn á að geta varist og ég hef mínar efasemdir um Frimpong hvað það varðar," sagði Koeman.
Frimpong þarf að horfa heima í stofu þegar Holland spilar við Frakkland í fyrsta leik sínum í undankeppni EM á föstudaginn.
Ronald Koeman, nýráðinn landsliðsþjálfari Hollands, var spurður út í fjarveru Frimpong á fréttamannafundi og fór þá ekkert í felur með það af hverju leikmaðurinn væri ekki hluti af hópnum.
„Hann er ekki í hópnum út af kerfinu sem við spilum. Hann spilar næstum því sem kantmaður. Hægri bakvörðurinn minn á að geta varist og ég hef mínar efasemdir um Frimpong hvað það varðar," sagði Koeman.
Frimpong þarf að horfa heima í stofu þegar Holland spilar við Frakkland í fyrsta leik sínum í undankeppni EM á föstudaginn.
