Glódís Perla Viggósdóttir og stöllur hennar í Rosengård í sænsku úrvalsdeildinni unnu Örebro 3-1 og færast skrefi nær titlinum.
Glódís Perla var fyrirliði og lék allan leikinn er Rosengård vann góðan 3-1 sigur. Hún hefur verið mikilvægur hlekkur í liðinu en liðið er nú með 41 stig, eða 7 stiga forystu á Vittsjö sem á leik inni.
Rosengård hefur aðeins tapað einum leik á tímabilinu.
Anna Rakel Pétursdóttir spilaði þá allan leikinn fyrir Linköping sem tapaði fyrir Piteå, 1-0. Linköping er í 7. sæti með 26 stig.
Sandra á bekknum í tapi Leverkusen
Sandra María Jessen, sem hefur farið mikinn í liði Leverkusen síðustu vikur, byrjaði á bekknum í 3-1 tapi gegn Frankfurt. Sandra kom inná sem varamaður á 60. mínútu en hún var á dögunum valin í íslenska A-landsliðið.
Athugasemdir