Þýska helgin fer af stað með látum þegar topplið Bayer Leverkusen tekur á móti fallbaráttuliði Mainz í kvöld og getur aukið forystu sína á toppi Bundesligunnar upp í ellefu stig með sigri.
Lærisveinar Xabi Alonso hafa verið á ótrúlegu skriði og eru enn taplausir í öllum keppnum það sem af er tímabils. Það eru afar fáir sem búast við að sú staðreynd breytist í kvöld.
Á morgun, laugardag, eru nokkrir áhugaverðir slagir á dagskrá áður en Þýskalandsmeistarar FC Bayern taka á móti RB Leipzig í stórleik dagsins.
Bayern þarf sigur eftir þrjá tapleiki í röð í öllum keppnum, en það var tilkynnt í gær að Thomas Tuchel mun ekki stýra félaginu lengur heldur en út tímabilið. Mögulegt er að Tuchel verði rekinn fyrir lok tímabilsins ef árangur Bæjara snýst ekki við.
Stuttgart situr í þriðja sæti, fjórum stigum á eftir Bayern, og tekur á móti fallbaráttuliði Köln á meðan Borussia Mönchengladbach, Union Berlin og Werder Bremen eiga heimaleiki.
Að lokum eru þrír leikir á dagskrá á sunnudeginum, þar sem Eintracht Frankfurt spilar við Wolfsburg áður en Borussia Dortmund fær Hoffenheim í heimsókn í spennandi slag.
Augsburg og Freiburg eigast við í lokaleik helgarinnar, en það eru sex sæti og sex stig sem skilja liðin að í efri og neðri hluta stöðutöflunnar.
Föstudagur:
19:30 Leverkusen - Mainz
Laugardagur:
14:30 Union Berlin - Heidenheim
14:30 Gladbach - Bochum
14:30 Werder Bremen - Darmstadt
14:30 Stuttgart - Köln
17:30 Bayern - RB Leipzig
Sunnudagur:
14:30 Eintracht Frankfurt - Wolfsburg
16:30 Dortmund - Hoffenheim
18:30 Augsburg - Freiburg
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 3 | 3 | 0 | 0 | 14 | 2 | +12 | 9 |
| 2 | Dortmund | 3 | 2 | 1 | 0 | 8 | 3 | +5 | 7 |
| 3 | Köln | 3 | 2 | 1 | 0 | 8 | 4 | +4 | 7 |
| 4 | St. Pauli | 3 | 2 | 1 | 0 | 7 | 4 | +3 | 7 |
| 5 | Eintracht Frankfurt | 3 | 2 | 0 | 1 | 8 | 5 | +3 | 6 |
| 6 | Hoffenheim | 3 | 2 | 0 | 1 | 7 | 6 | +1 | 6 |
| 7 | RB Leipzig | 3 | 2 | 0 | 1 | 3 | 6 | -3 | 6 |
| 8 | Wolfsburg | 3 | 1 | 2 | 0 | 7 | 5 | +2 | 5 |
| 9 | Werder | 3 | 1 | 1 | 1 | 8 | 7 | +1 | 4 |
| 10 | Leverkusen | 3 | 1 | 1 | 1 | 7 | 6 | +1 | 4 |
| 11 | Augsburg | 3 | 1 | 0 | 2 | 6 | 6 | 0 | 3 |
| 12 | Stuttgart | 3 | 1 | 0 | 2 | 3 | 5 | -2 | 3 |
| 13 | Freiburg | 3 | 1 | 0 | 2 | 5 | 8 | -3 | 3 |
| 14 | Union Berlin | 3 | 1 | 0 | 2 | 4 | 8 | -4 | 3 |
| 15 | Mainz | 3 | 0 | 1 | 2 | 1 | 3 | -2 | 1 |
| 16 | Gladbach | 3 | 0 | 1 | 2 | 0 | 5 | -5 | 1 |
| 17 | Hamburger | 3 | 0 | 1 | 2 | 0 | 7 | -7 | 1 |
| 18 | Heidenheim | 3 | 0 | 0 | 3 | 1 | 7 | -6 | 0 |
Athugasemdir
