„Ég er ánægður, sérstaklega með það hvernig við komum inn í leikinn. Ég var virkilega ánægður með hugarfarið hjá leikmönnum," sagði Jóhannes Karl Guðjónsson, þjálfari ÍA, eftir 3-0 sigur gegn Fram í Mjólkurbikarnum.

Lestu um leikinn: ÍA 3 -  0 Fram

ÍA var komið í 3-0 eftir 21 mínútu var leikurinn í raun búinn þegar þriðja markið kom.

„Þetta var vel spilaður leikur hjá strákunum."

Árni Marinó Einarsson fékk tækifæri í markinu og hann stóð sig vel. Hann hélt hreinu. „Hörkumarkmaður, hæfileikaríkur og á framtíðina fyrir sér í markinu. Hugarfarið hjá honum er virkilega gott, ískaldur og hefur trú á sjálfum sér."

„Það á enginn að vera í þessum leikmannahópi nema að hann hafi trú á að hann geti spilað fyrir okkur. Þú átt ekki að vera að æfa með meistaraflokki ÍA nema að þú hafir trú á að þú getir átt stöðu í liðinu."

ÍA er á botni Pepsi Max-deildarinnar og það er mikilvægt fyrir liðið að komast aftur á sigurbraut. „Það er gríðarlega mikilvægt fyrir öll fótboltalið að vinna fótboltaleiki... það sem mér fannst skipta meira máli inn í þennan leik var að við myndum hafa trú á verkefninu og sýna það að við getum verið beinskeyttir, við getum haldið boltanum og séum með gæði í liðinu okkar."

Allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit