Ísraelska landsliðið.
Fréttir herma að Katar sé að þrýsta á framkvæmdastjórn UEFA að taka það til atkvæðagreiðslu að setja Ísrael í bann frá mótum á vegum sambandsins.
Þetta kemur í kjölfar þess að Ísraelsher gerði árás á byggingu í Doha, höfuðborg Katar, fyrr í þessum mánuði en Hamas liðar höfðu aðsetur í byggingunni.
Þetta kemur í kjölfar þess að Ísraelsher gerði árás á byggingu í Doha, höfuðborg Katar, fyrr í þessum mánuði en Hamas liðar höfðu aðsetur í byggingunni.
Katar er einn stærsti fjárhagslegi bakjarl UEFA og vill að ísraelsk fótboltalið verði sett í bann, svipað og er með rússnesk lið í dag.
Ísraelska fótboltasambandið hefur neitað því að verið sé að endurskoða þátttökuleyfi þess. UEFA verst allra frétta en ljóst er að það er eitthvað í gangi bak við tjöldin.
Katarar eru sagðir vera að safna bandamönnum til að þrýsta á UEFA að setja Ísrael í bann en Þýskaland og Ungverjaland séu mótfallin því að atkvæðagreiðsla fari fram.
Eins og staðan er í dag mega ísraelsk lið ekki leika alþjóðlega leiki í landinu. Ísraelska landsliðið er að taka þátt í undankeppni HM og Maccabi Tel Aviv er í Evrópudeildinni.
Athugasemdir
