Afturelding gerði jafntefli gegn ÍBV í Eyjum í dag. Tryggvi Guðmundsson, goðsögn í Eyjum, tók viðtal við Magnús Má Einarsson, þjálfara Aftureldingar, eftir leikinn.
Lestu um leikinn: ÍBV 1 - 1 Afturelding
„ÍBV voru betri og fengu fleiri færi í þessum leik. Miðað við hvernig leikurinn spilaðist er ég mjög sáttur með að fara með stigið. Aron bjargar stiginu með frábærri aukaspyrnu í lokin, svipað og þú hefur sett á þessum velli áður," sagði Magnús Már.
„Fyrir leik vildum við nátturulega vinna en mér fannst margt vanta upp á hjá okkur í dag. Það vantaði meiri gleði í spilamennskuna og það sem við vorum að leggja upp með gekk ekki nógu vel. Máttum líka vera grimmari á ýmsum mómentum. Hins vegar var frábært að ná að jafna, það sýnir trúna í liðinu. Ánægður með hjarta og trúna en hefði viljað sjá betri spilamennsku."
Afturelding er á botni deildarinnar, þremur stigum frá öruggu sæti. Næsti leikur liðsins er heimaleikur gegn KA sem er á toppnum í neðri hlutanum.
„Þar verðum við að fá stuðning eins og við fengum í dag. Geggjað að sjá Mosfellinga mæta í dag, ég veit að það voru margir heima í Mosfellsbæ að horfa á leikinn. Nú þurfum við að fá alla á völlinn, það er mikilvægasti leikurinn í sumar að mínu mati. Við þurfum að fylla völlinn og búa til alvöru stemningu og vinna KA, það er ekkert annað í boði," sagði Magnús Már.
„Það á mikið eftir að gerast áður en síðasta sparkið verður tekið í boltanum í sumar. Fjórir leikir eftir og við þurfum að horfa á næsta leik á móti KA. Við verðum að vinna þann leik, það er leikur sem við förum í á fullum þunga."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
