Atlético, sem er þriðja stærsta liðið í deildinni, hefur ekki fagnað neitt sérstaklega frábærum árangri í byrjun leiktíðar og aðeins unnið einn til þessa.

Julian Alvarez klikkaði af vítapunktinum á 14. mínútu leiks gegn Mallorca í dag og þá var Norðmaðurinn Alexander Sorloth rekinn af velli þegar tæpar tuttugu mínútur voru til leiksloka fyrir groddalegt brot.

Manni færri tókst Atlético samt að komast yfir þökk sé enska miðjumanninum Conor Gallagher sem hljóp á frákast eftir að markvörður Mallorca varði skot Marcos Llorente út í teiginn og skoraði Gallagher með föstu skoti.

Vedat Muriqi, sem lék okkur Íslendinga grátt í umspili Þjóðadeildarinnar í mars, skoraði jöfnunarmarkið með hörkuskalla eftir fyrirgjöf frá vinstri á 85. mínútu og þar við sat.

Atlético er með aðeins sex stig eftir fimm leiki á meðan Mallorca er í næst neðsta sæti með tvö stig.

Rayo Vallecano og Celta Vigo skildu jöfn, 1-1. Reynsluboltinn Borja Iglesias skoraði mark Celta á 49. mínútu en það var Jorge De Frutos Sebastian sem jafnaði fyrir heimamenn fimmtán mínútum síðar.

Mallorca 1 - 1 Atletico Madrid
0-0 Julian Alvarez ('14 , Misnotað víti)
0-1 Conor Gallagher ('79 )
1-1 Vedat Muriqi ('85 )
Rautt spjald: Alexander Sorloth, Atletico Madrid ('73)

Rayo Vallecano 1 - 1 Celta
0-1 Borja Iglesias ('49 )
1-1 Jorge De Frutos Sebastian ('65 )