Heimir Guðjónsson verður samningslaus eftir tímabil.
Samningur Heimis Guðjónssonar, þjálfara FH, rennur út í lok tímabils. Hann segir ekkert fast í hendi með samningsmál er hann var spurður út í stöðu sína eftir leik FH og Stjörnunnar í gær.
„Það er ekkert búið að ræða það. Við fórum af stað með vegferð í haust að spila á ungum leikmönnum og við höfum gert það. Við erum komnir hér fram í september og við erum orðnir samkeppnishæfir á móti besta liði landsins.“
Finnst þér vegferðin hafa heppnast?
„Að byggja upp tvö lið á tveimur árum er að mínu mati helvíti gott. Við sýndum í dag góða frammistöðu og við þurfum að halda áfram og sýna góða frammistöðu næst.“
Viðtalið við Heimi má sjá í heild sinni hér fyrir neðan, hann er spurður út í samningsmál sín eftir tvær mínútur.
Athugasemdir
