Það voru nokkrir Íslendingar sem komu við sögu á Norðurlöndunum í dag. Í Noregi vann Viking stórsigur á Lilleström þar sem Samúel Kári Friðjónsson kom inn af bekknum snemma í síðari hálfleik.
Viking var tveimur mörkum yfir þegar Samúel Kári kom inn og urðu lokatölur 5-1.
Patrik Sigurður Gunnarsson var ónotaður varamaður hjá Viking.
Björn Bergmann Sigurðarson var þá ekki í leikmannahópi Molde vegna meiðsla.
Molde heimsótti Stabæk og vann góðan 0-3 sigur þrátt fyrir að spila stærsta hluta leiksins manni færri.
Molde er á toppi deildarinnar jafnt Bodö/Glimt á stigum, en Bodö á leik til góða.
Viking 5 - 1 Lilleström
Stabæk 0 - 3 Molde
Í Svíþjóð kom Valgeir Lunddal Friðriksson inn af bekknum í svekkjandi tapi BK Häcken gegn Halmstad.
Heimamenn voru betri í leiknum en gestirnir nýttu færin betur og skópu afar mikilvægan sigur.
Valgeir fékk að spila síðustu 10 mínútur leiksins en heimamönnum tókst ekki að jafna.
Halmstad er í harðri fallbaráttu, fimm stigum eftir Häcken.
Í sænsku B-deildinni lék Alex Freyr Hauksson allan leikinn er Öster gerði markalaust jafntefli við Norrby.
Öster er með 36 stig eftir 26 umferðir, sjö stigum frá toppbaráttunni.
Häcken 2 - 3 Halmstad
Norrby 0 - 0 Öster
Að lokum var Ísak Óli Ólafsson í tapliði Esbjerg sem tók á móti Fredericia í dönsku B-deildinni.
Esbjerg er aðeins með 12 stig eftir 13 umferðir, þremur stigum fyrir ofan botnsætið
Esbjerg 1 - 2 Fredericia
Athugasemdir
