Mikel Arteta þjálfari Arsenal svaraði spurningum á fréttamannafundi fyrir klassískan slag liðsins gegn Manchester United.
Liðin eigast við í spennandi leik á morgun og er Arteta mjög ánægður með að vera kominn með mikilvæga leikmenn aftur úr meiðslum. Riccardo Calafiori og Piero Hincapié eru þeir einu sem eru á meiðslalistanum, að undanskildum hinum unga Max Dowman, sem stendur og eru varnarmennirnir báðir mjög nálægt endurkomu á völlinn.
Arteta talaði um framherjamálin þar sem Kai Havertz og Gabriel Jesus eru komnir úr meiðslum til að veita Viktor Gyökeres samkeppni.
„Viktor (Gyökeres) fékk ekkert undirbúningstímabil svo hann fær smá tækifæri til að draga andann núna. Það er frábært að fá Gabriel Jesus aftur inn, það var æðislegt þegar hann skoraði tvennu um daginn og svo hafði Viktor mikil áhrif á leikinn þegar hann kom inn af bekknum," sagði Arteta.
„Piero (Hincapié) og Riccardo (Calafiori) eru tæpir. Við munum sjá það á æfingasvæðinu á morgun hvort þeir geti verið með í hóp eða ekki."
Arteta ræddi einnig um Bukayo Saka sem er núna búinn að spila tólf leiki í röð án þess að skora mark.
„Hann hefur svo mikil áhrif á leikinn þó að hann skori ekki mörk. Hann er að spila vel og er sérstaklega öflugur í að draga varnarmenn í sig til að skapa pláss fyrir samherja. Auðvitað viljum við að hann skori og leggi upp í hverjum leik, það verður að vera markmiðið."
Pep Guardiola þjálfari Manchester City er lærifaðir Arteta og talaði um Arsenal sem besta lið í heimi í viðtali á dögunum.
„Ég veit ekki hvort við séum besta lið í heimi. Við erum lið sem vill alltaf bæta sig. Við erum að gera margt rétt en við erum langt frá því að vera fullkomnir. Við erum að spila á mjög háu getustigi en eina markmiðið okkar sem leikmannahópur er að halda áfram að bæta okkur á milli vikna."
Arsenal trónir á toppi ensku úrvalsdeildarinnar með sjö stiga forystu og er einnig á toppinum í deildarkeppni Meistaradeildar Evrópu, með fullt hús stiga fyrir lokaumferðina.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
